Lyrics

ING BANGKERU

Iniang bayu pamu ing Menilang ciudad Tingca na’t lelangan ning maki-pacultad Ating escuelahang carelang telacad Pipagaralan da ding biasa at pantas.

Ding escuelang deti atlu la capindaum Itang Sto. Tomas at San Juan de Letran Sta. Teresita Colegio ya naman Pitatanacan dang isip ding magaral.

Capupus ning banua, misara ing clasi Masipanuli no sablang estudiante Caring sibabalen at tagle ra reti

Ing sablang cabiasnan, dangalan at puri.

Metung ya careti ing minting dalakit Malapad nang pangpang ning ilug Calumpit Minaus yang bangca caya midalakit

Ngana mamayad cu caras casumangid.

Sinake ne keta itang estudiante Linucluc maratun ketang taburete Lidlad neng paying na at saca maniabi Ustan mu bangkeru ing anticanini.

Iniang mamagse ne libutad ning ilug Nganing estudiante ustan mu bangkeru Ding Angeles banua pilan latang Coruz Ding Santos at Santas pilan nomang tapue.

Mipamulala ya ing bangkerung anac Kotang estudiante ngana ping mekibat Pagdamutan yupu ining ipakibat

Uling yang caguiwab na nining pobreng balat.

Anti king acu pu ecu ibat banua Ecopu binilang Coruz nung pilan la Ila pang balu cu ding Santos at Santa

Metung cung calulung meragul king lauta.

Nung ining icutang yu cacu usisan

Ing sumanga’t mulin ning bangcang secayan Saca ining bagse ampon ining arcan

Ila pung balu cu ilang keragulan.

King bistat mababa ining pegaralan Suguing Pilosupu acu namong cutang Manibatan keti ang aking sadsaran Ing pamamagse cu pilan cawaswasa?

Balubuc ning danum pangalto ning bula King panga-tumpuc na pilan libu caya Canacu mu igcas ban cung ausisa

Anti king Pantas ca biasa ampon sita.

Micamacama ya itang estudiante Cuang ning bangkeru emecapaniabi Dinalan king lub na saca ya sinisi

Nung bar acutnan ne ing bangkerung iti.

Ini mu palapung asuas ning bagse cu Alimu asabi cacu asuertu

Ding Angeles banua ilapang balu mu Eca naman ibat banuang anti cu.

Tantuan daca ngeni Pilosupung mambang Tandanan mu iti emu cacalinguan Nung me cayabe king clasi magaral King matas a argue me cucutnanan.

Iniapin pu ngeni culdas nacong bigla Ding kecong panupa paburen yunopa King pasisibayu ing alinaco pa Maniabing palaku king matas a bina.

Lon ye y Luzufer canitang minuna Sulu yang meyakit king tronos banua Ing cayang depatan ing migpalalu ya

Ewari menacabag king Impiernong lasa.

Icong makiramdam tutulad ecosa Ketang estudiante a palalung bina Megaral yang ditac at miras Menila

Cabalic na niti, tane mangasti.

“Ing Bangkeru” is a Kapampangan song that narrates the life of a student from the countryside who chose to study in Manila. “Ing Bangkeru” mentioned the following schools: Sto. Tomas, San Juan de Letran, and Sta. Teresita Colegio, which were known schools during that time. When the school year ends, the student goes back to the province. Going back to his hometown, the student must cross the Calumpit River by riding a boat. While on the boat, the student asks the boatman about the choirs of angels and saints in the mountain. The boatman answered that he doesn’t know a thing about angels and saints because he is but a simple man. He only knows how to row a boat and the distance of his boat travel. Then the boatman asks the student about the meaning of the bubbles that appeared in the splash of water. To the student’s surprise, he doesn’t know the answer.

“Ing Bangkeru” gives a lesson about education. While the boatman only knows about basic things in life unlike the learned student who goes to school in Manila, one should not brag about The boatman compared knowledge to Lucifer’s case, who became tempted to the light of the throne which caused him to be thrown into hell. The boatman reminds us that we should be humble instead of being arrogant like the student who studies in Manila and mocks other people.

A. MATERIALS 

 Audio tracks – Scan QR code on the right

Sheet music – Ing Bangkeru arrangement by Genaro Cesar Edilo Jr.

B. GUIDE TO THE PIECE

There is only one section to the arrangement (A). The arrangement is on Key of G major, and the time signature is 3/4. Angklung plays the melody all throughout the piece, the marimba plays the 2-part counterpoint, guitar (rhythm), and bumbong (bass) plays the accompaniment part.

The piece starts with an upbeat melody of the Angklung. The first eight measures after the upbeat measures, make up the first half of the song, while the next eight measures make up the second half. The chordal accompaniment uses the basic chords in I, IV, and V.

After the first ending, which is in measure no.17, the piece will repeat measure no. 2. From there, perform the piece until measure 16. This time, the ensemble will skip measure 17 and immediately go to measure 18, play until the piece is completed.

Misajon, Marie Melanie J. ed. Philippine Literature 2009: Regions, Cultures

and Histories. Manila: Seguiban Printing and Publishing Enterprise, Inc., 2009.